Një skandal ka shpërthyer në futbollin rus. Liga ruse e futbollit ka dënuar ashpër trajtimin që i është bërë një grupi tifozësh femra të Spartakut të Moskës përpara ndeshjes kundër Rubin kazanit. Sipas medieve ruse atyre u është kërkuar përpara ndeshjes ndaj Rubin Kazanit që të zhvishen për të pasur mundësi të futen në stadium. Ajo çfarë e bën më të rëndë skandalin është se një gjë e tillë tifozëve femra i është kërkuar nga policia. Tifozet e Spartakut të Moskës kanë bërë me dije se policia i ka kërkuar të zhvishen nëse duan të futen në stadium për të ndjekur takimin ndaj Rubin Kazanit. Ngjarja ka ndodhur më 1 gusht siç raportohet nga mediat ruse. Ka qenë një prej tifozëve me të cilën është abuzuar Ekaterina Stepanova, e cila ka publikuar këtë fakt.